Иске Татар бистәсендә Россия көнен билгеләп үтәчәкләр

Иске Татар бистәсендә Россия көнен билгеләп үтәчәкләр

<p> Иске Татар бистәсендә Россия көненә багышланган «Дөньяда беренчеләр» дип исемләнгән чара үтә. Ватанны ярату хисләре белән сугарылган тамашаны «Раифский Витязь» кадет корпусының хәрби-күрсәтмә чыгышлары ачып җибәрәчәк. Аннан соң «Иске шәһәр» халкы һәм башкала кунаклары «Александр Матросовның батырлыгы» дигән кыска метражлы фильм-реконструкцияне карый алачак. </p> <p> Картина «Фильменок» балалар кинофестивалендә тамашачы мәхәббәте бүләгенә лаек була. </p> <p> Шулай ук оештыручылар интерактив уеннар да әзерләгәннәр. «Дөньяда беренчеләр» дип исемләнгән бәйрәм тамашасы «Как я стал русским» комедиясе белән тәмамланачак. </p> <p> Ватанны ярату хисләре белән сугарылган бәйрәм 12 июньдә Зәйни Солтан урамындагы скверда сәгать 19:00 дә башлана. </p> <p> Керү ирекле. 12+ </p>

2021-06-11T10:09:32+0300